Ժայռերով պաշտպանված մի փոքր հատված գտանք և վրանը ամրացրեցինք այդտեղ: Ալիկը սկսեց պատրաստել ձկնորսական պարագանները: Քամու և անձրևի տակ մենք ձուկ էինք բռնում և ի զարմանս մեզ ձուկ բռնվում էր, ոչ այնքան մեծ բայց կարևորը բռնվում էր, հիմնականում Կողակ և Ծածան (Կարաս): 2 ժամ ձկնորսությունից հետո քամին այնքան ուժեղացավ, որ այլևս ափին մնալը սպառնում էր մեզ հիվանդանալով:

Չնայած վատ եղանակին մենք որոշեցինք գիշերել լճի մոտ, բայց ոչ այդ տեղում, գնացինք լճից թափվող գետակներից մեկի հունով, որտեղ գտանք քամուց ամբողջովին պաշտպանված շատ գեղեցիկ մի տեղ: Անմիջապես ամրացրեցինք 2 Quechua վրանները ամենաչոր տեղում: Սկսեցինք փայթ հավաքել, քանի որ մինչև հասանք այդ տեղը մեր բոլորի ոտքերը ամբողջովին թռչվել էին և հարկավոր էր շտապ տաքանալ: Այդ օրվա փայթի փնտրումը իսկապես կարելի անվանել հերոսական, որովհետև մի փոքրիկ տարածքում կարողացանք գտնել այնքան փայտ, որ կարողացանք ոչ միայն տաքանալ և որոշ չափով չորացնել մեր շորերը այլ նույնիսկ բռնված ձկներից խորոված պատրաստել:

Ամբողջ գիշեր սարսափելի անձրև էր գալիս, այնքան, որ վրանների տակ ջուր էր լցվել և վրանի հատակը այ պատճառով շատ սառել էր: Առավոտյան արթնանալուն պես բոլորովս հավաքվեցինք մեկ վրանում և գազօջախով պատրաստեցինք արագ պատրաստվող նախաճաշ և շատ տաք թեյ: Այդ օրը մենք բարեհաջող հասանք տուն, բայց որոշեցինք, որ հետագայում անպայման այստեղ դեռ կվերադռանք: