| ԿԱՊԻ ՄԵՋ Է |
ԸՆԴՀԱՆՈՒՐ ԿԱՊԻ ՄԵՋ Է 1 ՀՅՈՒՐԵՐ 1 ՕԳՏՎՈՂՆԵՐ 0
|
| ԱՅՑԵԼՈՂ ՊԵՏՈՒԹՅՈՒՆ |
 |
|
 |
Գլխավոր » 2011 » ԱՊՐԻԼ » 25 » Հայաստանի տարածքում չի արգելվում միայն գայլերի որսը
23:01 Հայաստանի տարածքում չի արգելվում միայն գայլերի որսը |
| Սեւանա լճում սիգի արդյունագործական ձկնորսություն չի թույլատրվում, իսկ որսաշրջանը Հայաստանի Հանրապետության տարածքում մարտի սկզբից նույնպես փակված է: Այս մասին «Արմենպրես»-ին հայտնեց ՀՀ բնապահպանության նախարարության աշխատակազմի ղեկավար Էդուարդ Փիրումյանը` նշելով, որ չի արգելվում միայն գայլերի որսը, բայց դրա համար ՀՀ կառավարության կողմից սահմանված կարգով տրվում են համապատասխան թույլտվություններ:
«Կենդանական եւ բուսական աշխարհի պահպանության կանոնների խախտման կանխարգելման նպատակով տեսչության կողմից կազմակերպվում են ամենօրյա շրջայցեր»,-տեղեկացրեց ԲՆ աշխատակազմի ղեկավարը: 2011թ. ընթացքում` մինչեւ մարտ ամսվա առաջին կես, ՀՀ բնապահպանության նախարարության աշխատակազմի բնապահպանական պետական տեսչության բաժինների աշխատակիցների շրջայցերի ընթացքում, ինչպես նաեւ այլ կազմակերպությունների կողմից հայտնաբերված ու բնապահպանական պետական տեսչության վարույթին հանձնված գործերով արձանագրվել է ձկնգողության 9 դեպք, խեցգետնի ապօրինի որսի` 7, որսագողության` 8 եւ անտառհատման 19 դեպք:
Էդուարդ Փիրումյանի տեղեկացմամբ` հայտնաբերված իրավախախտումների դեպքում իրականացվում է գործի քննության վարչական վարույթ եւ համաձայն «Վարչական իրավախախտումների վերաբերյալ» ՀՀ օրենսգրքի համապատասխան հոդվածների` կայացվում է վարչական տուգանքի որոշում: Կարող է կայացվել կազմակերպության գործունեության դադարեցման որոշում: Տրվում են նաեւ հայտնաբերված խախտման վերացման պարտադիր կատարման հանձնարարականներ:
Շրջակա միջավայրին հասցված վնասի արձանագրման պարագայում կազմվում է արձանագրություն, կատարվում է վնասի հաշվարկ տվյալ ոլորտի համար սահմանված հաշվարկի մեթոդով եւ սակագներով, կայացվում է բնապահպանական օրենսդրության խախտման հետեւանքով շրջակա միջավայրին հասցված վնասի փոխհատուցման պահանջ ներկայացնելու վերաբերյալ որոշում: Բնապահպանական եւ բնօգտագործման հաշվետվություններում թաքցված ծավալի հայտնաբերման դեպքում կատարվում է ռեսուրսների ծավալների եւ վճարի ենթակա գումարների վերահաշվարկ ու ներկայացվում հարկային մարմին:
Կիրառված պատժամիջոցներով սահմանված գումարները կամավոր չմուծելու դեպքում դատական մարմիններ հարկադիր բռնագանձման պահանջով ներկայացվում են հայցեր, իսկ քրեական հանցագործության տարրեր պարունակելու կասկածի դեպքում գործը ուղարկվում է ՀՀ ոստիկանության համապատասխան քննչական բաժին:
|
|
Դիտումներ : 610 |
Փոխանցել: HOVO-ADMIN
|
|
|
|
| ՏԵՍՈՒԹՅՈՒՆ |
|
| ՕՐԱՑՈՒՅՑ |
| « ԱՊՐԻԼ 2011 » |
| ԵՐԿ. |
ԵՐԵ. |
ՉՐ. |
ՀՆ. |
ՈՒՐ. |
ՇԲ. |
ԿՐ. |
| | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | |
| ԳՆԱՀԱՏԻՐ ԿԱՅՔԸ |
ԳՆԱՀԱՏԻՐ ԻՄ ԿԱՅՔԸ
Պատասխանների ընդհանուր քանակը: 23
|
|
.png "English"){kind=small}
